لتحفيظ القرآن الكريم بأبها


    احبك يابحر لكن اخاف وما اطيق العوم!!....

    شاطر
    avatar
    عبدالعزيز_دغريري

    عدد المساهمات : 67
    تاريخ التسجيل : 10/12/2010

    احبك يابحر لكن اخاف وما اطيق العوم!!....

    مُساهمة  عبدالعزيز_دغريري في الثلاثاء مارس 08, 2011 7:49 pm



    أحبك يابحر لكن اخاف وماأطيق العوم !!


    [تباريحك على جمــر الغضى ياقلبي المهموم
    ونبضــاتك دموعٍ مرسله وتهلها عيني



    تعبت وتعبت عيوني معاك ولااهتـت بالنوم
    مواويل المـواجع خـها مابينـك وبيني


    على مهلك بصدري لا تهزه وأرض بالمقسـوم
    على جـور العيـون اللّي تنام ولاتراعيني


    من أول يوم أنا وإياك..أنا وإيـاك لآخر يوم
    على الدرب الطويـل اللي جهلته ياموديني


    نصحتك..قلت..لا تحلم..ترى بعض الحلوم حلوم
    نهيتك..قلت..ماتسلم..كسرت الشوك فيديني


    سألتـــك قلت ماتعلم بأن النـصر للمظلوم
    سجنتك قلت تستسلم شكت منك شـراييني


    مدحتك وأنت تتبسـم بعيد من العتب واللوم
    فهمتك... أنت ماتفهم... رضيت أنك تخليني




    لمحتك وأنت تـترنم تغني للهـوى المزعوم
    سمعتك وأنت تتكلم هلا ياباقي سنيني


    هلا بالطيب وانفاس الغرام وريحة اليشموم
    هلا باللي على بعد المسـافه مانسيتيني


    تأثرت بكلامك خفت لا يخذل عزيز القوم
    وأعيد الكره اللي قد مضت يومك تناديني


    تذكرت الشوارع والظلام وطيرها المشؤوم
    على ذيك الغصون اليابسه والهـم كاسيني


    أخذت شوي وأصبحنا كلانا والأمل معدوم
    صبرنا غصب والدنيا دروس وذا يكفيني


    رضيت ومامعي حيله هو الحاكم وأنا المحكوم
    تشيل الحمل ياقلـــــبـي ولاكنك تعنيني


    أحـبـك يابحر لكن أخــاف وماأطيق العوم
    تكـفيني سواليفك على الشاطي وتغنيني


    كذا يرضيــــــك ياقلبي أطيح وماقدرت أقوم
    وأنا ماني بحـي الله بشر يومك تبكيني


    بكى حتى القلم من رحمتي مافارق الأبهوم
    نزف حـرفي على صدر الورق علّه يسليني


    سمعـت علوم ياقلبي ومنّك ماسمعت علوم
    ماغير دموعـك اللي سقتها وتهلها عيني


    شكيت وماشكيت إلا عليه الواحد القيوم
    وغير الله ضعيف ولو عطاني مابيشفيني


    إلاهي طالـبك تغفر لعبدٍ ماهو بمعصوم
    إلاهي طهّـر القلب الضعيف ولا تخليني
    avatar
    عبدالعزيز_دغريري

    عدد المساهمات : 67
    تاريخ التسجيل : 10/12/2010

    ......................

    مُساهمة  عبدالعزيز_دغريري في الثلاثاء مارس 08, 2011 9:11 pm

    انشاء الله اعجبتكم مواضيعي

    خالد شايع

    عدد المساهمات : 305
    تاريخ التسجيل : 31/10/2010
    العمر : 21
    الموقع : حي الموظفين

    ما شاء الله.....

    مُساهمة  خالد شايع في الثلاثاء مارس 08, 2011 10:27 pm

    (0بسم الله الرحمن الرحيم))


    بصراحة رائعة ووووووووووووووووووووشكرا

      الوقت/التاريخ الآن هو الخميس يناير 17, 2019 12:30 am