ياواحد(ن) في عيوني عن ميـة واحـد
ادعي لك الخير من قلبـي وبركوعـي
وادعي لك بصادق النجوى وانا ساجـد
غلاك ماهوب قصّـة يـوم واسبوعـي
لاوالله الا دهـر مايجـحـده جـاحـد
ان جيت اسولف ماغير الحب موضوعي
واصبحت اهذري وانادٍ اسمك وانا راقد
ان كان يرضيك منّي لو احـب كوعـي
حبيتهـا يالغـلا وعيـونـك تشـاهـد
امد لك لقمتي وامسـي علـى جوعـي
واعطيك ماشافـه الاطفـال مـن والـد
محفوض(ن) بقلبي وحراسك ضلوعـي
ويحفظك رب الملا من نظـرة الحاسـد
احكم لك القـاف بالمكـروه والطوعـي
واجمّع شتـات فكـر(ن) كـان متباعـد
يابـارز الـردف ياعجوبـه يادلوعـي
مافيـه مثلـك ولامثلـك مـره تـالـد
غيرك حرام و وصالك حق مشروعـي
يقولهـا راسـي المطـنـوخ ويعـانـد
واليـا نسيتـك تعـال وعلـم ربوعـي
لحد(ن) بعدهـا ينادينـي باسـم خالـد
